بكت عيني...

قال ابن القيم -رحمه الله- من أعجب الأشياء

أن تعرف الله ... ثم لا تحبه

وأن تسمع داعيه ... ثم تتأخر عن الإجابة

وأن تعرف قدر الربح في معاملته ... ثم تعامل غيره

وأن تعرف قدر غضبه ... ثم تتعرض له

وأن تذوق ألم الوحشة في معصيته ... ثم لا تطلب الأنس بطاعته

وأن تذوق عصرة القلب عند الخوض في غير حديثه والحديث عنه ... ثم لاتشتاق إلى انشراح الصدر بذكره ومناجاته

وأن تذوق العذاب عند تعلق القلب بغيره ...
ولا تهرب منه إلى نعيم الإقبال عليه والإنابة إليه

وأعجب من هذا علمك أنك لابد لك منه وأنك أحوج شيء إليه ...
وأنت عنه معرض وفيما يبعدك عنه راغب

محتااااااااااااااااااااااااااااااااس

السلام عليكم
اولا معلش عشان بقالي فترة مابنزلش خالص ولا بوست بس نعمل اية في الظروف اليومين دول عندي تسليم مشاريع السنة وامتحنات فالعملية اية فل والحمد لله الدكترة متوصية بينا خاااااااااااااالص يعني كل دكتور فتكر ان مفيش غيرة يعني كل دكتور منزل مشروع وبحث وامتحان وهما الحمد لله كتير فالعملية زفت يعني ان شاء الله الكام يوم دول يعدو علي خير وان شاء الله ارجع بس يارب اطلع بالسلامة
ربنااااااااااااااااااااا يستر

و اااااااااااااااااااااه يابلد

والله انا دمي اتحرق اكتر من الازم انا قلت انزل انهردة ميدان التحرير زي ما الناس اتفقت ولله الحمد كل الي لقتهم عملين إضراب هما بتوع الأمن المركزي كان موجودين بكميات ايه والدنيا شغالة عادي انا علي موصلني من معلومات صديقة ان معظم المصالح الحكومية كانت عاملة جزا كبير للي هيغيب اليوم دا مثلا في احد الوزارات كان بثلاث ايام واخري كانت بشهر دا الي جانب اشياء اخري والله اعلم كان في زيادة ولا الا بس الناس الي جبتلي المعلومات دي وجريدة الأخبار منزلة موضوع انهردة بعنوان.......

"العمل منتظم اليوم بجميع مؤسسات الدولة الحبس والغرامة عقوبة الإمتناع عن العمل والتحريض عليه" وفي نفس الصفحة من الجريدة وفي نفس الصفحة "مصر دولة مؤساسات ودستورها يكفل حرية التعبير " صراحة كان باين من الأمن المركزي بتاع انهرد"

يعني وبعدين انا مش عارف اقول ايه يعني حتي يوم ما جت الفرصة عشان الناس تتكلم ولاحتي حد عمل حاجة لية .... عشان خايفين يحصل زي ما بيحصل كل ما بيحصل مظاهرة يعني قصدقو زي كدا....طب مهو كدا كدا بيحصل بس نقول ايه خلاص مهو ........ ولا بلاش في ناس بتزعل..
بس نقول ايه بجد بجد اه عليكي يابلد ومن كل قلبي..اه

الحزب الوطني ........."مش هتقدر تحوش جنيه"

ياعيني غلبان معاه فلوس مش عارف يصرفها زي حلتنا الواحد الحمد لله معاه فلوس وتمام التمام بس المشكلة عندنا احنا ان الفلوس مابقتش تجيب حاجة ولانص حاجة والله الواحد بقي مصدوم من الأسعار الي بقينا نسمعها اليومين دول حبة حاجات غريبه والله الواحد بيفكر يقضيها تقشف اليومين دول ويقضيها فول وطعمية حتي دي مش نفعه الفول غلي والطعمية غليت يعني حتي التقشف مش هينفع وكلو كوم والحديد دا كوم تاني خالص شكلهم كدا هيرجعونا للمباني الطين تاني والحوائط الحمالة والله ممكن هي عيبها ارتفعها مش كبير زي المباني التانية بس شغالة طب نعمل ايه يعني ........ والي يغيظ اكتر ان الناس مرتبتها بتنزل يعني يارتها بتزيد عشان توازن الموضوع شوية انما الي بيحصل العكس تماما يعني مش بعيد الواحد بكرة يروح الشغل يلقيهم بيستلفو منو ويقلولو نردهملك الشهر الي جاي او يخلو الي عاوز يشتغل يدفع فلوس.......... نقول ايه حسبي الله ونعمة الوكيل.......يعني اصلا البلد حلها واقف وهما جيين يكملو عليها وشويا يعومو الجنيه وشوية تاني يغرقوة ....الله اعلم هيعملو فينا اية بعد كدا.....وفي قصة كدا كان في واحد صحبي بعتهالي بجد هي فكرة حلوة هي قصة حقيقية ايام سيدنا عمر بن الخطاب..
......

أسلوب عمر بن الخطاب رضى الله عنه فى معالجة وحل غلاء السلع

جاء الناس إلى عمر بن الخطاب -رضي الله عنه - وأشتكوا من غلاء اللحم فقالوا سعره لنا،

فقال: أرخصوه أنتم
فقالوا :نحن نشتكي غلاء السعر واللحم عند الجزارين ونحن أصحاب الحاجة فتقول :أرخصوه أنتم ؟ وهل نملكه حتى نرخصه ؟وكيف نرخصه وهو ليس في أيدينا ؟ قال :اتركوه لهم

صدقت يافاروق

فأفضل حل لغلاء الاسعار هو المقاطعة

نعم

فالوزير لم ولن يتضرر من غلاء الاسعار

إذا ً اتركوه لهم

تخيل عزيزي

لو أن الناس قاطعوا المتجات الغاليه لمدة 30 يوم فقط

لتكدست عندهم في المستودعات وصعب عليهم تخزينها ولم يجدوا حلا الا تصريفها

وليس من طريقه لذلك الا بتخفيض السعر

........

طبعا هو موضوع صعب بس علي الأقل مع المحاولة هيبان ان احنا معترضين وبناخد مواقف ايجابية من الي بيحصل دا ...مش شرط ان الموضوع ينجح من اول مرة ولا تاني مرة ولاحتي رابع بس مع الوقت هيبقي في فرق إن شاء الله....

المحاضرة الأولي

عملية الكبس ودا المرحلة الي توقفنا عندها المرة الي فاتت ودي مش عملية صعبة وبتم علي اعلي مستوي من الدقة وخصوصا في بلدنا الحبيب بعد ما ربنا كرمنا والحمد لله وتعدينا مرحلة الوصل للمكان المهم النص الأول من عملية الكبس ودا موجود في اماكن واماكن مش كلها يعني وهي عملية كبس الطلبه وزي ما احنا عارفين ان وزارة التعليم بتوفر لكل طالب المساحة المخصصة يعني الطالب ليه 2.5 سم وطبعا دي اكبر بكتير من المعايير الدولية يعني الطالب ممكن يقعد ويجيب اتنين اصحابو معاه المهم دي المرحلة الأولي مرحلة الكبس العلمي ودي والحمد لله في كل حتة مدارس بس جامعات كلو محدش بيسلم منها ولا خاص ولا حكومة ولا حتي بتوع حضانة ودي الحمد لله نحن نعتبر من الدول التي تتمتع بالريادة في هذا المجال الواحد يدخل الصبح المحاضرة وهو عامل حسابة أولا انو هيفضل يكتب لغاية ما تورم والحاجة التانية انو لزمن ولا بد يصدع وممكن علي اخر الترم يحلم بكوابس ودا مش ممكن دا اكيد وطبعا بعد المحاضرة المتروسة بالكلام الي محدش فاهم منو حاجة دا الطالب يخرج ويحس بشعور غريب هو اينعم شعور بيتكرر كل يوم دراسي وهو الشعور بالغباء.... انا مش عاوز اجبلو احباط طبعا دا مش في كل حتة ومش في كل بلد في الحلو والوحش .....
بس يا ترا مين الي اكتر.....؟؟؟

بعد دا كلّه........ماله الريس !!!!!!!

أنا مبخافشى وحفضل أقول
كلمـة حــق عليها مسئـول
إن الريس راجــل طيــب
وبشعبه دايما مشغـــــول
....
مشغول انه يلم فلوسنا
بره سويسرا يحوشهالنا
وف حسابات سريه يشيلها
نفسه يأمن مستقبلنا
....
شفتوا ازاى بقى قلبه رحيم
عنده ايمان وضميره سليم
بيجوعكوا لجل تخسوا
آه ياشعب يا محتاج لرجيم
....
من جهلكوا بتقولوا بطاله
وان الاحوال مش شغّاله
دا الراجل نفسه يريحكم
هى الراحه تبقى عواله؟
....
أما حكاية المنتجعات
ليه تسموها المعتقلات؟
ليه الظن وسوء النيّه
نفسه يفسحكوا يا بهوات
....
أما الكرسى واللى اتقال
دا كلام مش محتاج لسؤال
الغلطه دى غلطتنا يا عالم
إن مجبناش كرسى تيفال
....
والله انتم ظالمين الراجل
ضيّع عمره ومين يستاهل
حتى الاكل بياكله بدالنا
طالع واكل نازل واكل
....
بعد دا كلّه........ماله الريس؟؟؟؟؟؟؟؟؟؟؟

كشكول محاضرات

السلام عليكم
اولا ما تتخضوش من الأسم هو اكيد مش هبيض محاضراتي في مدونة دي كدا اسمها .....
المهم موضوعنا انهردة بيحصل كتير...... خالص..... وبما اننا في بلد تعتبر من الدول ال.......
فأكيد أكيد احنا مش زي اي حد تاني المهم أقولكم علي الموضوع...
في يوم من ذات الأيام ......ودا طبعا بيحصل كل اسبوع ..... الواحد بيصحي الصبح عشان نذهب لتلقي العلم
مش مهم الطريقة ولا مهم المكان ولا مهم انك نفهم اصلا بس انت رايح عشان تتلقي العلم...أوعي حد يكون رايح لحاجةتاني.....
المهم رحنا وبعيدا عن سوء الأول المحيطة احنا بردو هنروح وصلنا الحمد لله المرحلة الأولي"عملية الكبس"قصدي يعني....... ودي بقي نبدأها من المرة الي جاية..........

علي خطي الحبيب

هو بصراحة انا مكنتش عارف ابداء بإية وياتري الموضوع الي هبداء بيه المدونة دا هيعجب الناس ولا لا ولاني ملقتش احن من الموضوع دا ابداء بيه فأسال الله ان ينفعني واياكم به في مرة كنت قاعد انا وجماعة اصحابي وسألت سؤال قلتلهم كل واحد يقول ايه الي يعرفو عن النبي لقيت الي قال كلمتين وسكت والي معرقش يتكلم وفي ناس اتكلمت بي حسيت ان مفيش حد فينا يعرفو فحبيت ان دا يكون أول موضوع ليا ان شاء الله هنزل منه جزء كل اسبوع لعل الله يهدي به من يشاء
...................

طفولة النبي
ولد الحبيب في 12 ربيع الأول ساعة شروق الشمس، و آان مولد الحبيب إشراقة للأرض ...

كان من عادة العرب أن يتخذوا المرضعات من أهل البوادي لأولادهم ليكونوا أصح أجساماً و أصفى ذآاءً و أآثر إتقانا للغة العربية، و آانت قبيلة بني سعد تتولى ذلك و تأخذ الأولاد مدة سنتين من أجل الرضاعة. لكن المرضعات آانت تفضل أخذ أولاد الأغنياء و يتجنبون أخذ الحبيب ، لأنه ما دام يتيما فإنهم لن يحصلوا على هدايا مقارنة مع غيره، إلا مرضعة واحدة اسمها حليمة السعدية ما وجدت أحدا غيره فأخذته . تقول حليمة : " تفقدت مكة فما من امرأة منا عرض عليها محمد إلا و رفضته، فلم أجد أحداً ، فخفت أن أعود دون طفل فأخذته "، فقال لي زوجي:" و الله ما أراك يا حليمة إلا أخذت رزقاً مبارآاً ". في ذلك الوقت، آانت أرض قبيلة بني سعد عبارة عن صحراء جرداء ، ولكن غنم حليمة آان يتكاثر، فكانت المرضعات الأخريات ترعى غنمها خلفه ومع ذلك آانت أغنام حليمة تتكاثر دون غيرها . تقول حليمة: " آان محمد يشبّ بسرعة، فكان الذي يشبّ في شهر يشبّه هو في يوم، و آان من يشبّ في سنة يشبّه هو في شهر" . و عاش الحبيب مع حليمة سنتين بعد أن ولد في بيت أمه، و آان وفياً و مخلصا لها. فبعد فتح مكة دخل الناس ليسلموا عليه ، فإذا به ينظر إلى عجوز آبيرة في السن (و آانت نظراتها تختلف عن بقية نظرات الحاضرين)، فسأل الصحابة : من هذه ؟! فقالوا: يا رسول الله مالك و مالها إنها مرضعتك. فإذا بالنبي يتهلل وجهه و يقول: " أمي أمي " و يفرش عباءته في الأرض و يقول: " دعوني أتكلم مع أمي " .
............
و بعد غزوة حنين غنم المسلمون غنائم آثيرة، فقال أحدهم للنبي : هنالك من المنهزمين أخ لك من الرضاعة. فقال النبي إن آان ممكنا إعادة الغنائم لأن فيهم أخا لي من الرضاعة؟ فقالوا : يا رسول الله هل تعرفه؟ فقال : لم أره قط. فتعجبوا و قالوا: و لماذا تفعل هذا يا رسول الله؟ فقال : "وفاء لأمي حليمة و لأنه أخي ".
............

اول كلمة

بسم الله الرحمن الرحمن الرحيم
السلام عليكم
طبعا وقبل كل شىء احب ارحب بكم في المدونة الي علي قد الحال دي
ان شاء الله موضعها تعجبكم وفي ان نتظار تعليقتكم
عسي الله انا ينفنا واياكم ويهدينا الي ما يحب ويرضي....