ياعيني غلبان معاه فلوس مش عارف يصرفها زي حلتنا الواحد الحمد لله معاه فلوس وتمام التمام بس المشكلة عندنا احنا ان الفلوس مابقتش تجيب حاجة ولانص حاجة والله الواحد بقي مصدوم من الأسعار الي بقينا نسمعها اليومين دول حبة حاجات غريبه والله الواحد بيفكر يقضيها تقشف اليومين دول ويقضيها فول وطعمية حتي دي مش نفعه الفول غلي والطعمية غليت يعني حتي التقشف مش هينفع وكلو كوم والحديد دا كوم تاني خالص شكلهم كدا هيرجعونا للمباني الطين تاني والحوائط الحمالة والله ممكن هي عيبها ارتفعها مش كبير زي المباني التانية بس شغالة طب نعمل ايه يعني ........ والي يغيظ اكتر ان الناس مرتبتها بتنزل يعني يارتها بتزيد عشان توازن الموضوع شوية انما الي بيحصل العكس تماما يعني مش بعيد الواحد بكرة يروح الشغل يلقيهم بيستلفو منو ويقلولو نردهملك الشهر الي جاي او يخلو الي عاوز يشتغل يدفع فلوس.......... نقول ايه حسبي الله ونعمة الوكيل.......يعني اصلا البلد حلها واقف وهما جيين يكملو عليها وشويا يعومو الجنيه وشوية تاني يغرقوة ....الله اعلم هيعملو فينا اية بعد كدا.....وفي قصة كدا كان في واحد صحبي بعتهالي بجد هي فكرة حلوة هي قصة حقيقية ايام سيدنا عمر بن الخطاب........
أسلوب عمر بن الخطاب رضى الله عنه فى معالجة وحل غلاء السلع
جاء الناس إلى عمر بن الخطاب -رضي الله عنه - وأشتكوا من غلاء اللحم فقالوا سعره لنا،
فقال: أرخصوه أنتم
فقالوا :نحن نشتكي غلاء السعر واللحم عند الجزارين ونحن أصحاب الحاجة فتقول :أرخصوه أنتم ؟ وهل نملكه حتى نرخصه ؟وكيف نرخصه وهو ليس في أيدينا ؟ قال :اتركوه لهم
صدقت يافاروق
فأفضل حل لغلاء الاسعار هو المقاطعة
نعم
فالوزير لم ولن يتضرر من غلاء الاسعار
إذا ً اتركوه لهم
تخيل عزيزي
لو أن الناس قاطعوا المتجات الغاليه لمدة 30 يوم فقط
لتكدست عندهم في المستودعات وصعب عليهم تخزينها ولم يجدوا حلا الا تصريفها
وليس من طريقه لذلك الا بتخفيض السعر
........طبعا هو موضوع صعب بس علي الأقل مع المحاولة هيبان ان احنا معترضين وبناخد مواقف ايجابية من الي بيحصل دا ...مش شرط ان الموضوع ينجح من اول مرة ولا تاني مرة ولاحتي رابع بس مع الوقت هيبقي في فرق إن شاء الله....
هناك 9 تعليقات:
بص انا بقيت شايفة ان سلبية الناس هى السبب فى اللى احنا فيه وهى السبب اللى مخلى الناس اللى فوق يبهدلونا كدا دول مسحوا بنا ارض البلد ياجدعان
"لا يغرالله ما بقوم حتى يغيروا ما بانفسهم"
وفي الاخر قال ايييييييه الشعب هو السبب .. والسبب اننا اتعلمنا ناخد على قفانا ونسكت ونقول كمان وعلشان تعرفوا السبب زوروا مدونتي واقروا القصيدة اللي كاتبها وكاتب فيها رايي
يلا بقى معلش طولت عليك
حلوة حكاية مقاطعة المنتجات الغالية دي يا باش مهندس....بس يعني انت لسة قايل حتى الفول والطعمية غليت..يبقى الناس هتعمل ايه؟؟تموت يعني!!!!!
....واضح ان الحديد عامل معاك أزززززززززمة
والله حاجة جميلة جداااا
فيها إيه لو مكلناش لحمة لمدة شهر ؟؟
والحاجات الغالي اوى دا ..
مش هتفرق يعنى
ربنا معاااااااااااااااااااااااانا
أخوكم إخوانى حتى النخاع
*بجد انا شايف انو مش صعب يعني الي يخلي مصر كلها تعمل اضراب عام يوم 6 أبريل لية منعملش اضراب لمدة شهر عن الحاجات الغالية قوي اصل غصب عنهم لازم يبيعو يبقو هيرخصو السلع...
*والله الحديد عامل ازمات مش ازمة واحدة دا بعد كدا هنهد المباني عشان نبني بالحديد بتعها مباني جديدة .... ربنا يرحمنا
والله فكرة بس المشكلة ان الناس بقيت بتخاف تعمل حاجة اما نشوف بكرة هيعملو ايه...هيطلعو رجالة ويضربو ولاااااااااا........الله اعلم
هنا ومن قلب الحدث..صباح يوم 6 أبريل ..أحب أقول حضرتك يا باش مهندس..انك غلطان ..ماحدش في مصر عامل إضراب...الناس مالية الشارع والأمن مستتب..وكله تمام...ودمي محروووووووووق..ومبروك لوزارة الداخلية.....كسبت الجولة..بس اكيد مش المعركة..
والله انا دمي اتحرق اكتر بس نقول ايه مسرها تفرج ولاد ال...... ايوه هما دول يروحو في ستين..... بالظبط كدا عشان الواحد خلاص مش مستحمل...
فكره جميله اوى ان احنا نقاطع البضايع اللى سعرها ذاد
ايه رأيك تيجى نعمله زى الاضراب وندعو لمقاطعة اللحمه والطماطم والحديد لمدة شهر ونصمم شعار بالحاجات دى ونبعتها على المدونيين عشان تاخد حيز التنفيذ وكمان نبعتها على اليميلات اللىعندك اصحابك واصحابى ونحثهم ان اينشروها على اللى عندهم فى ايملاتهم
لو موافأ رد عليا عشان نكون جمعيه لمحاربة الغلاء عن طريق النت
إرسال تعليق